jæja, þá er ég búin að fara tvo daga að vinna, og er að fara aftur í dag. Svo er frí um helgina og svo byrjar námskeið í næstu viku, og er held ég næstu þrjár vikurnar!
Þetta er alveg frábær vinna, ótrúlega spennandi og skemmtilegt. Ég gæti sagt að þetta væri fullkomið ef að þetta væri vinna á íslensku :/ mér finnst þetta soldið erfitt, það er rosalega margt nýtt sem maður er að læra, þetta er riiiisa stór spítali og það er meira en að segja það að læra að rata og svo er það tungumálið. Það gengur nú alveg ágætlega að tala og skilja en samt erfitt að reyna að fylgja með stundum. Þessa síðustu daga hef ég komið heim alveg búin á því, ekki beint líkamlega þreytt en er mjög andlega þreytt, greyið heilinn minn alveg búinn á því!

Það er alveg fullt af fólki í starfi eins og ég er í og þetta felst aðallega í því að flytja sjúklinga milli deilda, hlaupa upp á deildir og ná í blóðprufur og hlaupa með þær niður í blóðbankann, ná í fólk af bráðamóttökunni og fara með það í röntgen og fullltfullltfulllt meira.

En þessa fyrstu daga er ég samt bara eins og hundur í bandi. Labba bara með og fylgist með hvernig þetta er gert. FYrsta daginn var ég með konu sem sér um fæðingardeildina. Þá vorum við í því að fara upp á fæðingardeild, flytja konuna og barnið eitthvað annað og enduðum á því að þrífa herbergið á fæðingardeildinni. Þann dag þurftum við líka að fara með pínkulítið barn niður í líkhús. Það var soldið óhuggulegt! Í gær var ég svo með konu sem sér um tvo operation ganga. Þessi vinna felst líka m.a. í því að við komum á staðinn þegar aðgerðin er búin og hjálpum læknaliðinu við að færa sjúklinginn yfir í annað rúm, þannig að þá sá ég margt og mikið líka, og svo þrifum við skurðstofurnar eftir notkun! Fullt af blóði þann daginn sko!!
ég er samt allavega komin með ökuskírteinið mitt á sjúkrarúmin;) ekkert svo auðvelt að keyra þau skal ég segja ykkur, 150 kíló án sjúklings takk fyrir. En mér var sagt í gær að mér gengi nú bara mjög vel að keyra þau.

en veit nú ekki hvort einhver les þetta yfir höfuð, en alltaf gott að létta aðeins af sér fyrir framan tölvuna!!

Ég er að byrja í nýju vinnunni minni á morgun! Verð að viðurkenna að ég er soldið stressuð, en vona bara að þetta gangi allt vel! Í næstu viku fer ég svo á námskeið á vegum spítalans þar sem við munum læra hitt og þetta í sambandi við það að vinna á spítala! Þetta er allt saman mjög spennandi og þess vegna vona ég innilega að þetta gangi vel og mér verði ekki bara hent út eftir fyrsta daginn!

Ég er svo á fullu þessa dagana að setja saman umsóknina fyrir læknisfræði. Þetta er nú meira vesenið í kringum þetta allt saman! eins gott bara að maður komist inn núna, veit ekki hvort ég nenni að standa í þessu öllu saman aftur!!!! eða jújú, ætli maður myndi ekki gera það, fyrst þetta er það sem maður vill læra!

Við buðum fólki í mat um helgina. Engin komin með salmonellu ennþá þannig að ég held að þetta hafi bara heppnast ágætlega;) Því miður þurftu samt gestirnir okkar að gera þarfir sínar í brotið klósett þar sem að "klósettbaninn Smokey Joe" eins og hann kallar sig núna gekk aðeins of harkalega um klósettið og það bara brotnaði! ég hef aldrei séð annað eins! en sem betur fer er það nú alveg nothæft, svo við þurfum ekki að banka uppá hjá nágrönnum til að fara á klósettið! Það kemur einhver professional klósettkall á morgun að skoða gripinn, Smokey Joe fær ekki að vera heima á meðan að á því stendur!
Ég gæti látið fylgja mynd af klósettinu og þá mundu allir segja "ooohhh" þegar þeir litu á hana, en ég ætla ekkert að vera að gera það, það er ekkert voðalega falleg sjón!