Er bloggheimurinn að tapa mér? Veit nú ekki hvort hann náði mér einhvertíman. Manni finnst þetta bara hálfgerð skylda að gera þetta, svona af því maður er nú í útlandinu. Enda efast ég ekki um að minn risastóri lesendahópur bíður spenntur eftir nýjum fréttum frá baunalandinu!

Gummi var á leiðinni til Köben á föstudaginn, og á síðustu stundu kom upp sú hugmynd að ég myndi nú bara skella mér með! Ég fékk einkunn úr prófinu mínu á föstudaginn, og var því í alveg rosa góðu skapi, þar sem það gekk framar öllum vonum. Það var þess vegna ekkkkert annað í stöðunni að gera en að skella sér til kaupmannahafnar líka:)Droppaði þar með öllum áformum um að læra þá helgina. En ég sé sko ekki eftir því, því þetta var alveg rosalega skemmtileg helgi með skemmtilegu fólki. Þakka alveg kærlega fyrir mig, ef einhver af þeim er í mínum "stóra" lesendahópi..hoho;)
Við fórum m.a. í tívolíið, btw fyrsta sinn sem ég kem þangað og vá hvað það var flott. Maður gat ekki annað en komist í jólaskap í öllu þessu jólajóla sem tívolíið hafði upp á að bjóða. Skelltum okkur svo að sjálfsögðu eina bunu í rússíbanann. Skemmdi heldur ekki fyrir rosalega góði maturinn sem við fengum að borða þar, og til að gera Gumma glaðan þá vil ég taka það fram að ég fékk besta rauðkál sem ég hef smakkað, og ég borða ekki venjulega rauðkál;) Svona fer þetta land með mann!

Tókum fullt af skemmtilegum myndum sem maður reynir kannski að setja hérna inn við tækifæri. Skelli samt einni hérna með af okkur fallega fólkinu í tívolíinu;)