myndasíðan mín er bara á fullu við að verða fín...tekst samt ekki að gera link beint á öll albúmin þannig að linkarnir eru bara á eitt og eitt albúm....kaaaannski tekst mér einhvertíman að finna út úr þessu en þetta verður bara að duga í bili...:)

Við erum loksins komin með fataskáp sem er mjög gott, loksins losnar maður við alla þessa pappakassa! ekki jafn gaman samt að raða inn í skápinnn...eeenn...! Gummi eldaði svo fyrir okkur aðra dýrindis máltíð úr Mad pa 15 minutter...þá erum við búin að prófa 2 af svona 150 og þetta lofar góðu!

Það var dramatískt kvöld í Tab og vind í gær, það lá við að ég táraðist. Það varð nefninlega til kærustupar í "fatcampinu" og annað þeirra var sent heim. Allir fóru að gráta, ég náði samt að halda í mér en það var ekki auðvelt.
Ég komst að því á mánudaginn að við megum kjósa hérna. Það eru kosningar 15 nóvember og ég var að spá í að velja mér bara einhvern með flottasta nafnið og kjósa hann...það er til dæmis einn sem heitir Bozo! hver vill ekki hafa Bozo í bæjarráðinu eða hvað það heitir!
svo verð ég auðvitað að óska pabba til hamingju, hann var að vinna í víkingalotto. 1650 krónur! geri aðrir betur!

Þessi helgi fór ekki alveg eins og hún var plönuð...sem skiptir kannski engu máli reyndar! en föstudagurinn byrjaði á því að húsmóðirin eldaði dýrindis mat úr uppskriftabókinni sem hún hafði keypt, Mad på 15 minutter og er sett saman fyrir nútímafjölskyldur sem hafa lítinn tíma til þess að elda. Ég keypti hana nú samt ekki vegna tímaleysis heldur eru þetta bara einfaldar og skemmtilegar uppskriftir...þegar ég er búin að ná tökum á þessari bók þá uppfæri ég kannski í Mad på 1 time....! En allavega eftir dýrindismáltíðina þá fórum við í kveðjupartý hjá Hrafnkeli og Möggu. Það var voða gaman, hitti þar fullt af nýju fólki. Við vorum með þeim síðustu þaðan út og þá fórum við nú bara heim, reyndar stoppuðum aðeins til þess að fá okkur kebab....ummmm best í heimi! Við vorum samt ekki hætt, opnuðum einn öl þegar við komum heim og spjölluðum smá. Allavega...daginn eftir var sko ekki mikil hætta á því að ég yrði skemmtileg það kvöldið! þannig að við skrópuðum bara á þessu lokahófi hjá fótboltanum hans Gumma, og oh my goooood hvað ég er fegin í dag :) alltaf skemmtilegt að vera hress á sunnudegi!

Ég á svo eftir að skrifa um Gosneyslu barna fyrir dönskuskólann á morgun...get ekki beeeeðið eftir að byrja á því !! En í staðinn fyrir að byrja á því þá er ég á fullu að vinna í því að búa til myndasíðu:) það gengur hægt fyrir ekkitökvumanneskju eins og mig en ég lofa því að hún kemur upp mjöööög bráðlega!