Mér tekst bara ekki að fara í gegnum heilan dag án þess að gera mig að fífli, og það er ekkert smá sem að ég læt greyið hjólið mitt ganga í gegnum!!

Var á leiðinni á fótboltaæfingu í morgun (já, var bláedrú) og er á fullri ferð, en svo hringir síminn sem var í bakpokanum og mín ætlar bara svona að vippa sér upp á kantinn, út af hjólabrautinni svo ég trufli nú ekki hitt úber hjólafólkið, en það vill ekki betur til en svo að ég hitti ekki á kantinn og flýg svona rosa fallega á hausinn! Til þess að gera þetta skemmtilegra gerðist þetta beint fyrir framan lestarstöðina og eins og vanalega var alveg nóóógu mikið af fólki á ferðinni þarna. Komu nokkrir hlaupandi og spurðu hvort ekki væri allt í lagi, en sá sem virtist hafa mestar áhyggjur af mér var gamall róni, hann vildi nú alls ekki að ég myndi meiðast. Ég náði svo ekki að svara símanum!

En Gummi greyið þarf bara að fara að vinna í kvöld og kemst ekki í lokahófið hjá fótboltanum hans. Þessi elska þarf bara í staðin að standa í alla nótt á hótelinu og tala við leiðinlegt fullt fólk sem kemur þangað:(
En mín ætlar bara að skella sér í staðin í þetta flotta pulsupartý, það er svona þegar maður hefur áhuga á fótbolta, þá er manni stundum boðið í pulsupartýin;)neiii...ég er líka bara svo skemmtileg! Ætla að hætta mér út í rigninguna og hjóla, þrátt fyrir hvernig það fór síðast!

Annar dagurinn í röð sem það kemur alveg hellidemba rétt eftir að ég er lögð af stað heim úr skólanum.

Svona var ég falleg þegar ég kom heim, með þennan fallega fýlusvip líka. Ojjj það er bara alveg ógeðslegt að hjóla í rennblautum gallabuxum! Þetta stóð líka tæpt um tíma, var ekki viss um að ég hefði þetta af heim, en hérna er ég nú...mér tókst þetta!

Lenti aftur í veseni með buxnaklaufina í gær! Var í miðri tilraun í skólanum og varð að hlaupa á klósettið. Var alveg á hundrað að flýta mér svo að efnið mitt myndi nú ekki sjóða yfir um, svo kem ég alveg hlaupandi til baka og fer að sinna efninu mínu. Allt í einu finn ég að það er eitthvað smá kaldara þarna niðri en vanalega, þið vitið, svona einkennilegur gustur, jebb...buxnaklaufin bara gaaaalopin. Það þyrfti að vera eitthvað svona alarm á buxnaklaufinni svo maður lendi nú ekki í þessu! En eins og áður, þá bara zippaði ég upp og hélt kúlinu!

Svo var það bara próf á síðasta föstudag, mikið stress og mikið gaman fyrir það! En ég var nú voða dugleg að læra svo nú verður bara spennandi að sjá hvernig það gekk allt saman:D Tölum betur um það þegar ég veit meira, eða þá við tölum ekki um það!
En það vildi svo vel til að dagurinn sem ég var í prófinu var einmitt líka J-day hérna í danmörku, jólabjórinn var að mæta í hús! namminamminamm!! Hann kom nú ekki fyrr en um kvöldið, svo maður varð að láta sér nægja einn venjulegan tuborg á fredagsbarnum. Það var að sjálfsögðu farið niðrí bæ og tjúttað og skálað í ísköldum


-obbobbobb...hver er að reyna að afklæða mig?!?!?!

en hann Gummi var eitthvað að bulla að jólabjórinn væri bara eins og eitthvað Carslberg special, neinei, það er nú algjört rugl krakkar mínir. Það má sko ekki trúa öllu sem maður heyrir!!