"Leigubílstjóri beit framan af fingri farþega í óðinsvéum í danmörku"
svona hljómaði frétt sem ég las á mbl.is í gær, ég finn hana samt ekki aftur þannig að ég er að velta því fyrir mér hvort að ég hafi bara ýmindað mér að ég væri að lesa þessa frétt?!?! allavega þá kom einhver ágreiningur upp því leigubílstjórinn vildi ekki taka 5 farþega með, þar sem hann mátti bara hafa 4, og lísti hann því svoleiðis að hann hefði "óvart" bitið í puttann á manninum!

Ég er samt farin að standa sjálfa mig að því að tala rosalega mikið við sjálfa mig þegar ég er að hjóla, alltaf að æfa mig í dönskunni sko, æfa það sem ég þarf að segja;) skellti mér nebbla áðan á einn leikskólann sem ég sótti um vinnu, ákvað bara að fara og láta sjá mig því ég veit að þeir verða ekki í vafa um hvern þau eiga að ráða þegar þau hafa séð þetta fallega andlit!
en þar sem maður er útlendingur þá er víst gott að láta sjá sig á staðnum, svo fólk viti að maður getur talað dönskuna og svoleiðis! henni Inge sem ég talaði við fannst ég bara tala alveg fínustu dönsku! ég er svo stolt! nú vonar maður bara það besta....

...þangað til eru það bara skemmtilegu skúringarnar, allavega fram að jólum! það er nú líka bara alveg ágætt, fínt fólk sem er að vinna með mér, nema Lotte! ljótt að segja það en ég held bara að ég hati hana, ég veit ekki hvað ég hef gert henni þessa þrjá daga sem ég hef verið þarna! en hún er víst svona við allar, svo ég er ekkert einsdæmi, enda gera hinar konurnar ekkert annað en að tala um hana Lotte! til þess að fá útrás þá hef ég bara ákveðið að taka þátt í þessum umræðum með þeim, þótt ég hafi ekki kynnst henni Lotte mikið!

ég horfði á síðasta þátt af íslenska bachelornum á netinu, ekki út af því að ég hafi fylgst eitthvað með þessu, heldur var ég búin að heyra að einhver stelpan hefði sagt nei við hann, varð að sjá það! og vááá vandræðalegasta móment ever sem strákurinn lenti í!