...er rosalega praktíst orð í dönskunni þar sem það þýðir bæði "hæ" og "bæ", þannig að þegar maður mætir einhverjum á ganginum og segir hej, þá er maður í rauninni að segja hæ, af því við vorum að hittast, og líka bæ, af því við förum bæði í sitthvora átt!! endalaust sniðugt finnst mér;) Átti samt soldið erfitt með það fyrst að segja hej þegar ég var í rauninni að segja bæ. Fannst það bara ekki hljóma rétt að segja hæ þegar ég vildi segja bæ! Ég var samt ekki jafn lengi að venjast því eins og þegar ég var í Brasilíu þar sem OI (borið fram oj) þýðir hæ! Það var eitthvað virkilega vitlaust að segja "OJ, hvernig hefuru það??" fannst mér allavega! enda fannst mömmu held ég ekkert skemmtilegt þegar hún hringdi í fyrsta skipti í mig til Brasilíu og ég sagði mjög glöð "OOJJJJJ mamma"! en allt getur maður nú vanið sig á!

En as usual þá gengur vinnan bara vel! Gummi komin á fullt líka og var líka miklu fljótari að læra hlutina en ég, hann getur bara allt þessi elska;)
Á mánudaginn var ég svo viðstödd hjartastopp, var nú bara með til að læra þannig að ég horfði bara á en þannig lærir maður líka hlutina! Mér fannst allavega mjög gott að fá að sjá hvernig þetta gekk fyrir sig! Ég er búin að fara á milljón skyndihjálpanámskeið og læra hjartahnoð á gömlu góðu dúkkunni álíka oft svo það var spennandi að fá loksins að sjá með eigin augum hvernig þetta er, soldið öðruvísi en með dúkkuna! Við fengum líf í hann, segi við því mér fannst ég vera mikilvægur partur í þessu öllu saman þrátt fyrir að hafa horft á enda sendi ég mjög góða strauma! Maðurinn "dó" svo aftur eeen við fengum líf í hann aftur!

Svo gleymdi ég nú að segja frá því um daginn að mér tókst að brjóta tönn! Ég veit ekki hvort einhver man eftir skemmtilega ævintýrinu mínu þegar framtönnin átti það til að hrynja úr á óskemmtilegustu tímum, þegar ég var á miðri árshátíð leikskóla Reykjavíkur og þegar ég var í afmæli á Selfossi og svona skemmtilegt! En þetta var nú ekki hún núna, framtönnin er pikkföst og ekkert vesen en þetta var jaxlinn, gerðist rétt áður en við fórum til Köben! Ég var svo gráðug að borða nammi að tönnin brotnaði, harður lakkrís er rooosa góður en greinilega mjög hættulegur!

Og svo til að ljúka þessu öllu saman þá á að skíra hann litla frænda á morgun, sem er nú reyndar ekkert svo lítill ennþá! veit ekki alveg hvað maður á að segja, til hamingju eða eitthvað?? allavega þá vona ég að allir skemmti sér vel í skírninni og borði kökur fyrir mig:)

Haldiði að hann verði ekki sætur í skírnarkjólnum...

...neiii hann sleppur víst við að vera í kjól, vonum bara að hann haldi sig frá því það sem eftir er;)